पुणे : एक नोव्हेंबर २०१९पासून सर्व सार्वजनिक बँकांच्या कामकाजाच्या वेळा एकसारख्या होणार आहेत. केंद्र सरकारच्या ‘ईज (इएएसइ) 2.0’ अन्वये बँकिंगमधील सुधारणांअंतर्गत हा बदल करण्यात येणार आहे.
इंडियन बँक्स असोसिएशनने देशामधील बँकिंग वेळांची तीन गटांत विभागणी केली आहे. रहिवासी क्षेत्रात असणाऱ्या सर्व सार्वजनिक बँकांच्या वेळा सकाळी नऊ ते सायंकाळी चार, ग्राहकांसाठी सकाळी नऊ ते दुपारी तीन, तर व्यापारी क्षेत्रातील बँकांच्या वेळा सकाळी अकरा ते सायंकाळी सहा वाजेपर्यंत आणि ग्राहकांसाठी अकरा ते सायंकाळी पाच वाजेपर्यंत, अन्य क्षेत्र व कार्यालयांसाठी बँकांच्या वेळा सकाळी दहा ते पाच वाजेपर्यंत व ग्राहकांसाठी सकाळी दहा ते सायंकाळी चार वाजेपर्यंत अशा राहणार आहेत.
जिल्हानिहाय बँक व शाखानिहाय बँक कामकाजाच्या वेळेबाबतचा तपशील बँक ऑफ महाराष्ट्रच्या संकेतस्थळावर उपलब्ध करून देण्यात आला असून, शाखानिहाय वरिष्ठ कार्यालयामार्फत सूचना देण्यात येणार आहे; तसेच बँकेच्या प्रत्येक शाखेद्वारे बदलेल्या कामकाजाच्या वेळा सूचना फलकावर लावण्यात येणार आहेत.